Skip to content

عن الحزن

December 17, 2011

 

 

 

أكتر العواطف المهمة بالنسبة لي، أفضل انها تفضل جوايا، يمكن لو طلعاتها للحظة، قيمتها تروح. من العواطف دي، الحزن على الشهيد. 

 

عمري ما حسيت اني مضطرة اكتب عن الشهيد، أو احساسي لما بفكر فيه، أو في أمه، أو لما بتصور نفسي مكان أخته. 

 

عمري ماقررت اني لازم أعمل حاجات معينة عشان أثبت لنفسي أو لغيري اني بحترم الشهيد أو اني  مش هاموت غير لما أجيب حقه أو ان مبيعديش عليا يوم  غير لما بافكر فيه و في حاجات ممكن تكون هايفة، زي اني بتخيل نفسي وأنا بقول للشهيد نكت قالشة، كان هايقول عليا بايخة؟ 

 

فيه ناس من كتر الحزن، عينيها بتروح، أو اعصابها بتتدمر. أعتقد اني جربت الحزن الشديد، بس الحزن بالنسبة لي، فيه فخ، أصل أنا من النوع اللي ممكن يسلم للإكتئاب بقى و حاجات من النوع دة.فأنا مش عايزة استسلم لإحساس مش هيشجعني على أي حاجة كويسة. أحسن لي اركز الطاقة دي في حاجة إيجابية، أفيد بيها نفسي و المجتمع. 

 

بس سيبك من الكلام دة، أنا عن نفسي، نفسي أموت شهيدة، فداء الوطن، بس لما أموت، مش عايزة حد يزعل. نهائي.  و مش عايزة حد يلبس اسود. عشان أنا مش شايفة إن الموت حاجة كئيبة. هو حد متأكد أصلاً إيه اللي بيحصل بعد الموت؟ طيب، أنا بقى متفائلة. عشان التفاؤل، مبينفعنيش غيره. بس كدة. 

No comments yet

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: